Ҳар бир плёнка қобиқ билан қопланган таблетка қуйидагиларни сақлайди:
фаол модда: эторикоксиб 60 мг/90 мг/120 мг;
ёрдамчи моддалар: натрий кроскармеллоза, магний стеарати, сувсиз дикальций фосфати (A-Tab), микрокристалл целлюлоза (PH102), коллоидли кремний диоксиди, Opadry (II) 31G58920 оқ рангли ва тозаланган сув.
Opadry (II) 31G58920 оқ қобиғининг таркиби: лактоза моногидрати, титан диоксиди (Е171), гипромеллоза, полиэтиленгликоль, тальк.
Форсанек® препарати катта ёшдаги пациентларга ҳамда 16 ёш ва ундан катта ёшдаги ўсмирларга остеоартрит (ОA), ревматоид артрит (РA), анкилловчи спондилит симптомларини енгиллатиш, шунингдек ўткир даражали подагрик артрит билан боғлиқ оғриқлар ва яллиғланиш белгиларини енгиллатиш учун буюрилади.
Форсанек® препарати катта ёшдаги пациентларга ҳамда 16 ёш ва ундан катта ёшдаги ўсмирларга жарроҳлик аралашуви билан боғлиқ ўртача даражали оғриқни қисқа муддатли даволаш учун буюрилади.
СОГ-2 селектив ингибиторини буюриш тўғрисида қарор ҳар бир пациент учун умумий хавфларни якка тартибда баҳолашга асосланиши керак (“Қўлланиш мумкин бўлмаган ҳолатлар” ва “Махсус кўрсатмалар” бўлимларига қаранг).
